सून आळविते
सून आळविते , बसावी निवांत
सासू व्हावी शांत ,पांडुरंगा ||
तशी माझी सासू ,आहे खूप गोड
तीला नाही तोड, त्रिभुवनी ||
तिचे रंग न्यांरे, कुणाला कळेना
सूर हे जुळेना , संसाराचे ||
कसेही कुठेही , काहीही बोलावे
बेताल वागावे , नाही भीती ||
नसे तीला भान .घालते आरोळी
कधी ही अवेळी , रात्र दिनी ||
कोणाच्याही पुढे, सांगेल गाऱ्हाणे
सदा रड गाणे , ओठावरी ||
येणारे जाणारे , परकेच गोड
सून असे व्दाड ,तिच्या साठी ||
मिळे अशी सासू, सोडेना ही पाठ
बांधलेली गाठ ,जन्म भरी ||
घालीन लोटांगण ,धरेन चरण
जरीहे मरण, रोज वाटे ||
-मनिषा (माऊ )
दि .२५.०३.२०११
ताज्या प्रतिक्रिया